പലപ്പോഴും KSRTC യിൽ യാത്ര ചെയ്യാറുണ്ടെങ്കിലും ഇതാ ഇന്നൊരു നിമിഷകവിത(12/08/2018) നമ്മുടെ ചങ്ക് ഈ ആനവണ്ടി

Published August 12, 2018 by Sherin Chacko

IMG-20180812-WA0061വണ്ടി… ആന വണ്ടീ….
ദുരിത കയത്തിൽവീണവർക്ക് ആശ്വാസം നൽകി സഹായം ഏകി
മലയും കുന്നും കയറിയിറങ്ങി
കാടും മേടും ഓടി നടന്ന്                 സേവനം ചെയ്യും നമ്മുടെ വണ്ടി അഭിമാനമാണീ വണ്ടി
കേരള കരയുടെ സ്വാകാര്യ അഹങ്കാരമാണീ   ചങ്ക് ആനവണ്ടി.
ആനവണ്ടി…..നമ്മുടെ ആനവണ്ടി.

LOVE IS REPAID BY LOVE ALONE..

Published August 4, 2018 by Sherin Chacko

 

 

2018-08-04-08-01-14-496 (1)

അധ്യാപനത്തിന്റെ വഴിയിൽ 65 ദിനങ്ങൾ പിന്നിട്ടു.ഓരോ ദിനത്തെയും എന്‍റെ ഡയറിക്കുറിപ്പുകൾ എന്നെ പഠിപ്പിച്ചത് വി .കൊച്ചുത്രേസ്യയുടെ ഈ വാക്കുകളാണ്. സ്നേഹത്തിനു പകരം അതിലേറെ സ്നേഹത്തോടെ….. കുഞ്ഞുങ്ങൾ അധ്യാപകർക്ക് നൽകുന്ന വിലയേറിയ സമ്മാനം….
ഒരു ദിവസത്തേക്കല്ല…ഒരാഴ്ചത്തേക്കല്ല എന്നും നമുക്ക് നൽകുന്ന സ്നേഹസമ്മാനം ..
I am proud to be a teacher. Because I am the molder of young minds, character, provider of new ideas and skills to an empty minds.
@Bethany Ashram High School Cherukulanji

 

വിടപറയുവാന്‍ എനിക്ക് സമയമില്ലായിരുന്നു.

Published August 7, 2017 by Sherin Chacko

 

വൈദികരുടെ മരണസംസ്ക്കാര ശുശ്രുഷയില്‍ സെമിത്തേരിയില്‍ വെച്ച് കാര്‍മ്മികന്‍ പ്രാര്‍ത്ഥിക്കുന്ന ഒരു പ്രാര്‍ത്ഥനയുണ്ട്.

“ഇതുവരെ ഞങ്ങള്‍ അങ്ങയെ അനുഗമിച്ചു.
 ഇനി സ്വര്‍ഗ്ഗത്തിലെ ദൂതന്മാര്‍ അങ്ങയെ അനുഗമിക്കും.”

വിടപറയുവാന്‍ എനിക്ക് സമയമില്ലായിരുന്നു….
നിങ്ങള്‍ക്കെല്ലാം ഞാന്‍ പ്രിയപ്പെട്ടവനായിരുന്നു……..
എങ്കിലും നിങ്ങളെക്കാളുപരി എന്നെ സ്നേഹിക്കുന്ന സ്വര്‍ഗ്ഗസ്ഥനായ പിതാവ് എന്നെ നിത്യജീവിതത്തിലേക്ക് ക്ഷണിച്ചു.
ഇനി ഞാന്‍ നിങ്ങളുടെ പ്രാര്‍ത്ഥനയിലും ഓര്‍മ്മയിലും മാത്രം.

ബഹുമാനപ്പെട്ട മാര്‍ട്ടിന്‍ വാഴച്ചിറയച്ചന്‍റെ ജീവിതവും ഈശോയുടെ ജീവിതം പോലെയായിരുന്നു. പഠനത്തിലും പരിശിലനത്തിലുമൊക്കെയായി 30 വര്‍ഷത്തെ രഹസ്യജീവിതം. പിന്നീട് 3 വര്‍ഷത്തെ പരസ്യജീവിതം.(വൈദികജീവിതം).

നിറഞ്ഞ പുഞ്ചിരിയോടെ അച്ചന്‍ പറഞ്ഞ ഓരോ വാക്കുകളുംഎന്നും ഒരു പ്രചോദനമാണ്.  അച്ചന്‍റെ പ്രോത്സാഹനങ്ങളും പ്രാര്‍ത്ഥനകളും ഒരു അനുഗ്രഹം തന്നെയായിരുന്നു. അത് എന്‍റെ എഴുത്തിനെയും ജീവിതത്തെയും ഒരുപാടു ശക്തിപ്പെടുത്തിയിട്ടുണ്ട്. എന്നും അനുഗ്രഹദായകമായ ഒരു മുതല്‍ക്കൂട്ടുതന്നെയാണ്.

മാര്‍ട്ടിന്‍ അച്ചാ,

മരിക്കില്ലൊരിക്കലും………….
നിന്‍ വാക്കുകള്‍ വിരിയിച്ച സന്തോഷം,
നിന്‍ സ്നേഹം പരത്തിയ സൌരഭ്യം.
ഇരുളിന്‍ അഗാധതയില്‍
നിനക്കോടിയൊളിക്കാന്‍ കഴിയില്ലയെങ്കിലും,
നീ പിന്നിട്ട പാതകള്‍ അന്ന്യമല്ലെങ്കിലും,
നാമിനിയും,കണ്ടുമുട്ടും വരെ,
കാത്തിരിക്കട്ടെ ഞങ്ങള്‍തന്‍

പ്രാര്‍ത്ഥനയിലെന്നും .

 

               ഈശോയില്‍ സ്നേഹത്തോടെ..

പുസ്തകം കയ്യിലെടുത്തോളൂ. മനുഷ്യന്‍ എന്ന മഹാഅദ്‌ഭുതത്തെ വായിച്ചുതുടങ്ങൂ…. വായനയെ ലഹരിയായി അനുഭവിച്ചവര്‍ നിരവധിയാണ്. അക്കിത്തത്തിന്റെ വീട്ടിലേക്ക് നടന്നുപോയി പുസ്തകങ്ങള്‍ വാങ്ങി വായിച്ചിരുന്ന കുട്ടിക്കാലമായിരുന്നു എം.ടിയുടേത്…..അങ്ങനെ പലരും…..

Published May 27, 2017 by Sherin Chacko

മതസൗഹാർദ്ദo

Published March 19, 2017 by Sherin Chacko

ഏതു മതമായാലും കാരുണ്യമാണ് യഥാര്‍ത്ഥ മനുഷ്യത്വം. ജീവിതത്തില്‍ അവശതയനുഭവിക്കുന്നവരെ ചേര്‍ത്തുപിടിക്കുമ്പോള്‍ മാത്രമേ അവിടെ മനുഷ്യത്വം ജനിക്കുന്നുള്ളൂ. ഇതുതന്നെയാണ് മതസൗഹാര്‍ദ്ദം വിവക്ഷിക്കുന്നതും ദൈവത്തോടുള്ള ഉത്തരവാദിത്തവും.
സുഭാഷ്‌ചന്ദ്രബോസ് അഭിമാനത്തോടെ പറഞ്ഞപോലെ നമുക്കും പറയാന്‍ സാധിക്കട്ടെ  ‘India is my religion’.
ശക്തരായ യുവജനങ്ങള്‍ ഒത്തുചേരുക….. അത്ഭുതകരമായ മതസൗഹാർദ്ദത്തിന്‍റെ ആത്മീയാനുഭൂതി അനുഭവിക്കാം….

ഇഷ്ടപ്പെട്ട കവിതകള്‍ (നല്ല മലയാളം കവിതകളുടെ ഒരു ചെറിയ ഉദ്യമം….)

Published March 11, 2017 by Sherin Chacko

സുഗതകുമാരിയുടെ കവിതകൾ

ഒരു പാട്ടു പിന്നെയും

ഒരു പാട്ടു പിന്നെയും പാടി നോക്കുന്നിതാ

ചിറകൊടിഞ്ഞുള്ളോരീ കാട്ടുപക്ഷി

മഴുതിന്ന മാമര കൊമ്പില്‍ തനിച്ചിരുന്നൊ-

ടിയാ ചിറകു ചെറുതിളക്കി

നോവുമെന്നോര്‍ത്തു പതുക്കെ അനങ്ങാതെ

പാവം പണിപ്പെട്ടു പാടിടുന്നു

ഇടരുമീ ഗാനമോന്നേറ്റു പാടാന്‍ കൂടെ

ഇണയില്ല കൂട്ടിനു കിളികളില്ല

പതിവുപോല്‍ കൊത്തി പിരിഞ്ഞുപോയ്‌

മേയ്‌ ചൂടില്‍ അടവെച്ചുയര്‍ത്തിയ കൊച്ചുമക്കള്‍

ആര്‍ക്കുമല്ലാതെ വെളിച്ചവും ഗാനവും

കാറ്റും മനസ്സില്‍ കുടിയിരുത്തി

വരവായോരന്തിയെ കണ്ണാല്‍ ഉഴിഞ്ഞു –

കൊണ്ടൊരു കൊച്ചു രാപ്പൂവുണര്‍ന്ന നേരം

ഒരു പാട്ടു കൂടി പതുക്കെ മൂളുന്നിതാ

ചിറകൊടിഞ്ഞുള്ളോരീ കാട്ടുപക്ഷി

ഇരുളില്‍ തിളങ്ങുമീ പാട്ടു കേള്‍ക്കാന്‍ കൂടെ

മരമുണ്ട് മഴയുണ്ട് കുളിരുമുണ്ട്

നിഴലുണ്ട് പുഴയുണ്ട് തലയാട്ടുവാന്‍ താഴെ

വഴിമര ചോട്ടിലെ പുല്ലുമുണ്ട്

ആരുമില്ലെങ്കിലെന്തായിരം കൊമ്പത്ത്

താരുകളുണ്ട് താരങ്ങളുണ്ട്

ആപാട്ടിലാഹ്ലാദ തേനുണ്ട് കനിവെഴും

സ്വപ്നങ്ങളുണ്ട് കണ്ണീരുമുണ്ട്

ഒരു പാട്ടു പിന്നെയും പാടവേ തന്‍ കൊച്ചു

ചിറകിന്റെ നോവ്‌ മറന്നു പോകെ

ഇനിയും പറക്കില്ല എന്നതോര്‍ക്കാതെയാ

വിരിമാനം ഉള്ളാല്‍ പുണര്‍ന്നു കൊണ്ടേ

വെട്ടിയ കുറ്റിമേല്‍ ചാഞ്ഞിരുന്നാര്‍ദ്രമായ്‌

ഒറ്റചിറകിന്റെ താളമോടെ

ഒരുപാട്ട് വീണ്ടും തെളിഞ്ഞു പാടുന്നിതാ

ചിറകൊടിഞ്ഞുള്ളോരീ കാട്ടുപക്ഷി.

മാമ്പഴം – വൈലോപ്പിള്ളി ശ്രീധരമേനോൻ
അങ്കണ തൈമാവിൽ‌നിന്നാദ്യത്തെ പഴം വീഴ്‌കെ
അമ്മതൻ നേത്രത്തിൽ നിന്നുതിർന്നൂ ചുടുകണ്ണീർ
നാലുമാസത്തിൻ മുൻപിലേറെനാൾ കൊതിച്ചിട്ടീ
ബാലമാകന്ദം പൂവിട്ടുണ്ണികൾ വിരിയവേ
അമ്മതൻ മണിക്കുട്ടൻ പൂത്തിരികത്തിച്ചപോൽ
അമ്മലർച്ചെണ്ടൊന്നൊടിച്ചാഹ്ലാദിച്ചടുത്തെത്തീ
ചൊടിച്ചൂ മാതാവപ്പോൾ ഉണ്ണികൾ വിരിഞ്ഞ‌-
പൂവൊടിച്ചു കളഞ്ഞില്ലെ കുസൃതിക്കുരുന്നേ നീ
മാങ്കനി വീഴുന്നേരം ഓടിച്ചെന്നെടുക്കേണ്ടോൺ
പൂങ്കുല തല്ലുന്നതു തല്ലുകൊള്ളാഞ്ഞിട്ടല്ലേ
പൈതലിൻ ഭാവം മാറി വദനാംബുജം വാടീ
കൈതവം കാണാ‍ക്കണ്ണു കണ്ണുനീർത്തടാകമായ്
മാങ്കനി പെറുക്കുവാൻ ഞാൻ വരുന്നില്ലെന്നവൻ
മാൺപെഴും മലർക്കുലയെറിഞ്ഞു വെറും മണ്ണിൽ
വാക്കുകൾ കൂട്ടിച്ചൊല്ലാൻ വയ്യാത്ത കിടാങ്ങളെ
ദീർഘദർശനം ചെയ്യും ദൈവജ്ഞരല്ലോ നിങ്ങൾ
തുംഗമാം മീനച്ചൂടാൽ തൈമാവിൻ മരതക-
ക്കിങ്ങിണി സൗഗന്ധികം സ്വർണ്ണമായ് തീരും മുൻപേ
മാങ്കനി വീഴാൻ കാത്തു നിൽക്കാതെ മാതാവിന്റെ
പൂങ്കുയിൽ കൂടും വിട്ടു പരലോകത്തെ പൂകി
വാനവർക്കാരോമലായ് പാരിനെക്കുറിച്ചുദാസീനനായ്
ക്രീഡാരസ ലീലനായവൻ വാഴ്‌കെ
അയൽ‌പക്കത്തെ കൊച്ചുകുട്ടികളുത്സാഹത്തോ-
ടവർതൻ മാവിൻ‌ചോട്ടിൽ കളിവീടുണ്ടാക്കുന്നു
പൂവാലനണ്ണാർക്കണ്ണാ മാമ്പഴം തരികെന്നു
പൂവാളും കൊതിയോടെ വിളിച്ചുപാടീടുന്നു
വാസന്തമഹോത്സവമാണവർക്കെന്നാൽ
അവൾക്കാ ഹന്ത! കണ്ണിരിനാൽ അന്ധമാം വർഷക്കാലം
പൂരതോനിസ്തബ്ദയായ് തെല്ലിട നിന്നിട്ടു തൻ
ദുരിത ഫലം പോലുള്ളപ്പഴമെടുത്തവൾ
തന്നുണ്ണിക്കിടാവിന്റെ താരുടൽ മറചെയ്ത
മണ്ണിൽ താൻ നിക്ഷേപിച്ചു മന്ദമായ് ഏവം ചൊന്നാൾ
ഉണ്ണിക്കൈക്കെടുക്കുവാൻ ഉണ്ണിവായ്ക്കുണ്ണാൻ വേണ്ടി
വന്നതാണീ മാമ്പഴം; വാസ്തവമറിയാതെ
പിണങ്ങിപ്പോയീടിലും പിന്നെ ഞാൻ വിളിക്കുമ്പോൾ
കുണുങ്ങിക്കുണുങ്ങി നീ ഉണ്ണുവാൻ വരാറില്ലെ
വരിക കണ്ണാൽ കാണാ‍ൻ വയ്യത്തൊരെൻ കണ്ണനേ
സരസാ നുകർന്നാലും തായ തൻ നൈവേദ്യം നീ
ഒരു തൈകുളിർക്കാറ്റായരികത്തണഞ്ഞപ്പോൾ
അരുമക്കുഞ്ഞിൻ പ്രാണൻ അമ്മയെ ആശ്ലേഷിച്ചു
Discover WordPress

A daily selection of the best content published on WordPress, collected for you by humans who love to read.

The Daily Post

The Art and Craft of Blogging

WordPress.com Blog

News, Tips & Website Tutorials

Create your own website, free on WordPress.com.Create your own website.
Start free